MM-də gərginlik: millət vəkili həmkarından izahat istədi

“Çox hörmətli deputat Zahid Oruc 4-cü respublika ifadəsini işlətdi. Ancaq heç kim demir ki, bu nədir. Bu, çox zərərli ifadədir”.

Bunu Milli Məclisin 2023-cü il 20 oktyabr tarixli iclasında Siyavuş Novruzov deyib.

“4-cü respublika nə vaxt qurulub? Görən olub o respublikanı? Müstəqilliyimizin bərpasından danışırıqsa, bunu ümummilli lider Heydər Əliyev edib. İlham Əliyev də deyib ki, mən Heydər Əliyevin siyasətini yürüdür, yolunu gedirəm. Milli Məclisdə bu ifadənin səslənməsi digər yerlərdə fərqli anlaşıla, təqdim edilə bilər”, – deyə o əlavə edib.