Paşinyan gizli tapşırıq verdi | Azərbaycanla bağlı vacib iclas

Aprelin 9-da Ermənistan parlamentində Azərbaycanla bağlı fövqəladə iclas keçiriləcək.

Yerli medianın yaydığı məlumata görə, iclasda Ermənistan-Azərbaycan sərhədinin delimitasiyası və Qazaxın kəndlərinin qaytarılması mövzuları müzakirə ediləcək.

Bundan əvvəl müxalifət fraksiyası tərəfindən parlamentin fövqəladə iclasının keçirilməsi və ölkənin xarici işlər naziri Ararat Mirzoyanla Baş nazirin müavini, delimitasiya komissiyasının sədri Mqer Qriqoryanın hesabat verməsi təklif edilib.

Ararat Mirzoyan və həmkarı Mqer Qriqoryan onların təklifini qəbul edib. Lakin iclasın açıq formatda keçirilməsi barədə təklif hakim fraksiya tərəfindən rədd edilib və toplantı qapalı keçiriləcək.

Daha bir erməni nəşrinin yazdığı informasiyaya görə isə Baş nazir Nikol Paşinyan da sözügedən sessiyada iştirak edə bilər. Qeyd olunub ki, parlamentin gündəliyinə ümumilikdə 25 məsələ daxil edilib. Bu məsələlərdən biri də hökumətin 5 illik planının icrasının hesabatı ilə bağlıdır. Bu halda hesabatı hökumətin rəhbəri Nikol Paşinyan təqdim etməlidir.

Nəşrin məlumatına görə, N.Paşinyanın iştirak edəcəyi sessiyada bütün deputatların iştirakı tələbi qoyulub. “Sessiyanın Brüsseldə baş tutan uğursuz səfərdən sonra keçirilməsi isə hakimiyyəti çətin vəziyyətdə qoya bilər.

Buna görə də hakim fraksiyanın deputatlarına tapşırılıb ki, öz çıxışları və sualları ilə ölkənin gündəmini dəyişsinlər”, – deyə nəşr yazıb.