Prezident Gürcüstana işgüzar səfərə gedib

Prezident İlham Əliyev Gürcüstanın Baş naziri İrakli Qaribaşvilinin dəvəti ilə bu ölkəyə işgüzar səfər edib.

Azərbaycanın və Gürcüstanın Dövlət bayraqlarının dalğalandığı Tbilisi şəhərinin Şota Rustaveli Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülüb. Prezident İlham Əliyevi Gürcüstanın Baş nazirinin müavini, iqtisadiyyat və davamlı inkişaf naziri Levan Davitaşvili və digər rəsmi şəxslər qarşılayıblar.