Prezident Ukraynanın yeni səfirinin etimadnaməsini qəbul etdi
Prezident İlham Əliyev mayın 25-də Ukraynanın yeni təyin olunan fövqəladə və səlahiyyətli səfiri Yuri Qusevin etimadnaməsini qəbul edib.
Səfir etimadnaməsini dövlət başçısına təqdim edib. Prezident İlham Əliyev səfirlə söhbət edib.
Səfir Ukrayna Prezidenti Volodimir Zelenskinin salamlarını dövlət başçısına çatdırıb.
Prezident İlham Əliyev salamlara görə minnətdarlığını bildirib, onun da salamlarını Ukrayna Prezidentinə çatdırmağı xahiş edib.
Dövlət başçısı Volodimir Zelenski ilə bir neçə gün əvvəl telefon danışığını xatırladaraq bu müstəvidə ölkələrimiz arasında enerji sahəsində əməkdaşlıq məsələlərinə toxunulduğunu diqqətə çatdırıb.
Söhbət zamanı ölkələrimizin müstəqilliklərinin bərpasından bəri Azərbaycanla Ukrayna arasında dostluq münasibətlərinin formalaşdığı və ölkələrimiz arasında ikitərəfli əsasda yaxşı əlaqələrin olduğu qeyd edilib, həmçinin dövlətlərimizin bir-birinin ərazi bütövlüyünü və suverenliyini dəstəklədiyi vurğulanıb.
Səfir Ukraynaya göstərilən humanitar dəstəyə, xüsusilə Ukraynadan olan uşaqların Azərbaycanda reabilitasiyası üzrə təşkil olunan layihələrə görə təşəkkürünü bildirib.
Yuri Qusev ötən gün Azərbaycanın Laçın şəhərinə səfər etdiyini və burada görülən bərpa-quruculuq işlərinin onda böyük təəssürat yaratdığını deyərək İrpen və Laçın şəhərləri arasında qardaşlıq münasibətlərinin qurulması məsələsini qeyd edib.
Görüşdə qarşılıqlı maraq doğuran digər məsələlər ətrafında fikir mübadiləsi aparılıb.
#İlham Əliyev teqi istifadə olunub
- Prezident İlham Əliyev Şamaxıda “Şirvan Aqro” heyvandarlıq kompleksində
- "İş yerləri açılmalı, dolanışıq yaxşı olmalıdır" | Prezident ölkənin inkişafından danışdı - Baku TV
- Yeni körpü nə vaxt istifadəyə veriləcək? - Prezidentdən açıqlama - Baku TV
- "Şamaxı turizm mərkəzlərimizdən birinə çevrilib" | Prezident görülən işlərdən söz açdı - Baku TV
- "Cənubi Qafqazın ən böyük təsərrüfatıdır" | Prezident yeni heyvandarlıq kompleksində - Baku TV
