"İnkişafın gələcək istiqamətləri üçün..." | Anaklaudia Rossbaxdan açıqlama - Baku TV

BMT-nin Məskunlaşma Proqramının (UN-Habitat) icraçı direktoru Anaklaudia Rossbax Azərbaycan hökumətinə Ümumdünya Şəhərsalma Forumunun 13-cü sessiyası (WUF13) çərçivəsində Yeni Şəhər Gündəliyi üzrə nazirlər səviyyəsində görüşün təşkilinə görə təşəkkürünü bildirib.

O bu barədə nazirlər görüşündə bəyan edib.

"WUF13-ün açılış günündə Yeni Şəhər Gündəliyi üzrə bu mühüm nazirlər görüşünün təşkilinə görə Azərbaycan hökumətinə təşəkkürümü bildirirəm", – o deyib.

Onun sözlərinə görə, 2026-cı il yalnız Yeni Şəhər Gündəliyinin icrasının yekunlarının qiymətləndirilməsi mərhələsi deyil, həm də inkişafın gələcək istiqamətinin müəyyən edilməsi üçün bir andır.

"UN-Habitat"ın rəhbəri vurğulayıb ki, Yeni Şəhər Gündəliyi mənzil və dayanıqlı urbanizasiya sahəsində əsas qlobal platforma olaraq qalıb:

"Şəhərlər və yaşayış məntəqələri yalnız çağırışların cəmləşdiyi yer deyil, həm də həllərin geniş miqyasda tətbiqi üçün bir meydandır".