Tbilisidə Azərbaycanın Müstəqillik Günü qeyd olunub - Baku TV

Tbilisidə 28 May – Müstəqillik Günü münasibətilə təntənəli mərasim təşkil olunub.

Tədbirdə deputatlar, diplomatik korpusun üzvləri, eləcə də dövlət və özəl sektorun nümayəndələri iştirak ediblər.

Azərbaycanın Gürcüstandakı səfiri Faiq Quliyev ikitərəfli münasibətlərin strateji xarakter daşıdığını bildirib. Diplomat həmçinin Azərbaycan və Gürcüstanın ortaq tarixi dəyərlərə malik olduğunu, regionda sabitlik və əməkdaşlığın gücləndirilməsi istiqamətində birgə fəaliyyət göstərdiyini qeyd edib.

Qonaqlar həmçinin Tbilisinin mərkəzindəki Heydər Əliyev Parkında ulu öndərin abidəsini ziyarət edib, xatirəsini ehtiramla yad ediblər.

Tədbir iştirakçıları daha sonra Fətəli xan Xoyski, Həsən bəy Ağayev, Mirzə Fətəli Axundzadə, Mirzə Şəfi Vazeh və digər mütəfəkkirlərin məzarlarını ziyarət ediblər.