TRIPP regionu hara aparır? - Razılaşmanın pərdəarxasındakı siyasi mesaj - QARABAĞ XRONİKASI

Azərbaycanın əsas hissəsi ilə Naxçıvan Muxtar Respublikası arasında quru əlaqəsinin bərpası uzun illərdir siyasi bəyanatların, diplomatik danışıqların və bir-birini təkzib edən şərhlərin mərkəzində dayanır.

Bu məsələ yalnız avtomobil və ya dəmir yolu xəttinin çəkilməsi ilə məhdudlaşmır. Söhbət Azərbaycanın ərazi bütövlüyünün praktiki təminindən, dövlətin manevr imkanlarından və regiondakı strateji mövqeyindən gedir.

ABŞ və Ermənistan tərəfindən dərc olunan TRIPP – “Beynəlxalq Sülh və Rifah üçün Tramp Marşrutu” üzrə icra çərçivəsi sənədi məhz bu mövzunu yeni mərhələyə keçirir. Artıq burada niyyət bəyanatlarından deyil, konkret mexanizmlərdən, idarəetmə modellərindən və uzunmüddətli yanaşmadan bəhs edilir.

Bu sənəd bir daha təsdiqləyir ki, Azərbaycanın Naxçıvanla əlaqəsi regional gündəmin əsas və dəyişməz mövzularından biri olaraq qalır.

TRIPP icra çərçivəsi sənədinə baxdıqda ilk baxışdan sadə görünən bir sual ortaya çıxır.

Bu sənəd, həqiqətən də, kommunikasiya xətlərinin açılmasına yönəlib, yoxsa yalnız növbəti çərçivə sənədidir?

“Qarabağ xronikası” verilişinin yeni buraxılışında bu və digər suallara aydınlıq gətirilib.