Türkiyəli siyasətçilər Qənirə Paşayeva ilə paylaşım etdi: başımız sağ olsun

“Türk dünyasının aşiqi olan önəmli şəxsi itirdik”.

Bunu TÜRKSOY-un Baş katibi Sultan Raev Azərbaycanın Milli Məclisinin deputatı Qənirə Paşayevanın vəfatı ilə bağlı sosial şəbəkə hesabında yazıb.

“Türk dünyasının aşiqi, TÜRKSOY-un dostu olan önəmli bir şəxsi – Qənirə Paşayevanı itirdik. Unutmayacağıq. Ailəsinə və bütün Türk Dünyasına başsağlığı verirəm. Məkanı cənnət olsun”, – deyə Sultan Raev qeyd edib.

Türkiyənin səhiyyə naziri Fahrettin Qoca deputatın vəfatı ilə bağlı ailəsinə və yaxınlarına başsağlığı verib. “Türk dünyasına böyük xidmətlər göstərdi. İnanıram ki, onun adı həmişə xatırlanacaq”, – deyə Türkiyənin səhiyyə naziri sosial şəbəkə hesabında qeyd edib.

Türkiyənin kənd təsərrüfatı və meşə naziri İbrahim Yumaklı isə Qənirə Paşayevanı “Türk dünyası üçün hər zaman mübarizə aparan qəhrəman” adlandırıb. “Bir millət, iki dövlət olaraq əziz xalqımıza başsağlığı verirəm”, – deyə nazir əlavə edib.

Türkiyənin keçmiş xarici işlər naziri, hazırda isə ölkə parlamentinin deputatı olan Mövlud Çavuşoğlu da Qənirə Paşayevanın vəfatı ilə bağlı paylaşım edib. O, mərhumu “özünü Qarabağ davası və Türk Dünyasına həsr etmiş böyük ürəkli” insan adlandırıb.

Türkiyənin Azərbaycandakı səfiri Cahit Bağçı da Milli Məclisinin deputatı Qənirə Paşayevanın vəfatı ilə əlaqədar onun yaxınlarına başsağlığı verib.