Vardanyan və digər erməniəsilli şəxslərlə bağlı hiddət doğuran çağırış - Baku TV

Azərbaycan Milli QHT Forumu "Amnesty International" beynəlxalq hüquq müdafiə təşkilatının separatçı Ruben Vardanyan və digər erməniəsilli cinayətkarların azad edilməsi ilə bağlı verdiyi bəyanata kəskin etirazını bildirib. Forumun yaydığı bəyanatda "Amnesty International"ın bu addımı "hiddət doğuran çağırış" kimi qiymətləndirilib. Qeyd olunub ki, Ukraynada separatizmin maliyyələşdirilməsində və çirkli pulların yuyulmasında adı hallanan, Qarabağa isə Rusiyadan emissar kimi göndərilən Ruben Vardanyanın "tanınmış biznesmen" kimi qələmə verilməsi həqiqətlərin təhrif olunmasıdır. Azərbaycan tərəfi vurğulayır ki, bu cür bəyanatlar terrorçuları müdafiə etmək cəhdidir və regionda sülh prosesinə ciddi xələl vurur. Həmçinin, Vardanyanın Bakıdakı istintaq prosesində verdiyi ifadələr əsasında bəzi Qərb siyasətçiləri və lobbi qrupları ilə qanunsuz maliyyə əlaqələrinin üzə çıxdığı bildirilir.