Vaşinqtonda Xocalı soyqırımı ilə bağlı aksiya keçirilib - Baku TV

Vaşinqtonda Xocalı faciəsinin 34-cü ildönümü ilə əlaqədar genişmiqyaslı məlumatlandırma aksiyası keçirilib.

Aksiya Diasporla İş üzrə Dövlət Komitəsinin təşkilatçılığı ilə baş tutub.

LED ekranlarla təchiz olunan avtomobillər şəhərin mərkəzi küçələrində hərəkət edərək bir sıra mühüm dövlət binalarının qarşısından keçib. Marşrut ABŞ Konqresinin binası, Ağ Ev, Dövlət Departamenti, Pentaqon və digər dövlət əhəmiyyətli obyektləri əhatə edib.

Aksiyanın əsas məqsədi Xocalı faciəsi barədə beynəlxalq ictimaiyyəti məlumatlandırmaq, qurbanların xatirəsini anmaq və ədalət çağırışını bir daha dünya ictimaiyyətinin diqqətinə çatdırmaqdır.

LED ekranlarda "Xatırla, hörmət et, düşün – Xocalı 1992", "34 il sonra biz hər bir ruhu xatırlayırıq", "Xocalı 1992 faciəsi – dünya bunu unutmamalıdır" kimi şüarlar nümayiş etdirilib.

Aksiya çərçivəsində beynəlxalq ictimaiyyət Xocalı faciəsini unutmamağa, qurbanların xatirəsinə ehtiram göstərməyə və ədalətin təmin olunmasına dəstək verməyə çağırılıb.