Xankəndiyə təyinat | İşğaldan azad edilmiş bəzi ərazilərlə bağlı mühüm sərəncam

Prezident İlham Əliyev Elçin Yusubovun Xankəndi şəhərində, Ağdərə və Xocalı rayonlarında Prezidentin xüsusi nümayəndəsi təyin ediməsi barədə sərəncam imzalayıb.

Qeyd edək ki, Elçin Yusubov 1975-ci il avqustun 8-də anadan olub. O, özəl sektorda, bir çox dövlət qurumlarında, həmçinin Nazirlər Kabineti yanında “İçəri şəhər” Dövlət Tarix-Memarlıq Qoruğu İdarəsində müxtəlif vəzifələrdə çalışıb. Vergilər Nazirliyi yanında Bakı şəhər Lokal Gəlirlər İdarəsinin rəisi olub. Prezidentin sərəncamı ilə “Dövlət qulluğunda fərqlənməyə görə” medalı ilə təltif edilib. İqtisadiyyat Nazirliyi yanında Əmlak Məsələləri Dövlət Xidmətinin rəisinin müavini işləyib.

Dövlət başçısının digər sərəncamı ilə Emin Hüseynov Ağdam, Füzuli və Xocavənd rayonlarında Prezidentin xüsusi nümayəndəsi təyin edilib. Sənədə əsasən, “Qarabağ iqtisadi rayonuna daxil olan işğaldan azad edilmiş ərazilərdə Azərbaycan Respublikası Prezidentinin xüsusi nümayəndəsinin təyin edilməsi haqqında” Sərəncamı ləğv edilib.