Zahid Oruc Natali Luazonu ifşa etdi
“Avropa Parlamentinin Alt Komitəsinin sədri Natali Luazo 6 nəfərlə birlikdə iyunun 19-da Laçın sərhədinə gələrək 4 aydır orada keşik çəkən Avropa İttifaqının missiyasına birləşdilər, Zəngəzurda “Qarabağ köçkünləri” ilə görüşərək, sərhəddə və Laçın buraxılış məntəqəsinə beynəlxalq qüvvələrin yeridilməsini və BMT-nin təcili qətnaməsini tələb etdilər”.
Bunu Milli Məclisin bugünkü iclasında deputat Zahid Oruc Avropadan Azərbaycana yönələn yeni xarakterli təhdidlərlə bağlı bildirib.
“Natali Luazo orada dedi ki, rus sülhməramlı qüvvələrini hər yerdə görüb, təkcə Laçın postundan başqa. Halbuki, Azərbaycan o məntəqədə bayraq qaldırmağa cəsarət edib. Göründüyü kimi, 30 ildir Xankəndinə qanunsuz gələnlərin yolu bağlanıb və sülhməramlı olmayanlar Rusiya hərbi kontingentini regiondan çıxarıb NATO-nu yerləşdirmək, sərhədi döyüş xəttinə çevirmək niyyətindədilər”, – deyə millət vəkili əlavə edib.
![icon](/images/loading.png)