Sevda Ələkbərzadə — caz və muğam ifaçısı

Sevda Ələkbərzadə 1977-ci il iyulun 4-də Bakıda anadan olub. Azərbaycan müğənnisidir və caz, xalq musiqisi, muğam janrlarında çıxış edir. “Aypara” və “Rast” qruplarında başlayıb, sonra solo karyeraya keçib. Alim Qasımovdan muğam dərsi alıb.

Ailəsi

Sevdanın babası Əbülhəsən Ələkbərzadə Azərbaycanın xalq yazıçısıdır və Sovet dövründə yazılmış ilk Azərbaycan romanının müəllifidir. Atası Çingiz Ələkbərzadə tanınmış jurnalist və yazıçı olub.

Səs xüsusiyyəti

Sevdanın səsi güclü və qalın, xüsusi qırtlaq notları ilə seçilir, bu da onun ifasını başqalarının səsi ilə qarışdırmağı çətinləşdirir.