Dünyada bir ilk | Süni intellektli robotun çəkdiyi rəsmin qiyməti açıqlandı

İnsanabənzər robot rəssam Ai-Danın əsəri “Sotheby's”də satışa çıxarılacaq.

Bununla da dünyada ilk dəfə robotun işi böyük hərrac evi tərəfindən satılacaq.

“A.I.” adlı əsər müasir kompüterlərin atası sayılan Alan Turinqi təsvir edən 7 fut hündürlüyündə impressionist portretdir. Əsərin 120000-180000 dollar arasında satılacağı gözlənilir.

Portret bizim indiki parçalanmış və çoxşaxəli dünyalarımızı əks etdirən təsvirlərə malikdir”, – deyə robot əsəri barədə danışarkən bildirib.

İlk kompüter proqramçısı Ada Lavleysin adını daşıyan Ai-Da robot texnologiya və süni intellektlə necə qarşılıqlı əlaqə qurulduğu haqqında suallara cavab verib.

Bildirilir ki, hazırda həyat insanların bütün qərarları qəbul etdiyi dünyadan alqoritmlərin fikir bildirməyə başladığı post-insan dünyasına keçidin nöqtəsindədir. Yeni dünyaya keçidin əhəmiyyətini göstərmək üçün bu əsəri çəkmək yaxşı bir yoldur.

Ai-Da robot rəssam Alan Turinqin bir neçə kiçik portretini çəkir, ardınca bu portretlər birləşdirilərək böyük bir kətan üzərində düzülür. Daha sonra onun köməkçiləri boya və tekstura ilə sənət əsərinə əlavələr edir. Nəhayət, sonda Ai-Da yeni işarələr və faktura əlavə edərək kətanın üstünü rəngləyir.

“Bu sənətdirmi, yoxsa texnologiyadırmı? Buna sərgiyə gələnlər qərar verəcək. Lakin biz düşünürük ki, bu Dördüncü Sənaye İnqilabının hazırkı başlanğıcının etik sənət layihəsidir”, – deyə təşkilatçılar bildirib.