Pleyeri seçin:
Süni intellektlə təchiz olunmuş uçuş aparatı təqdim edildi | Razor
“Kaliforniyada yerləşən “Mayman Aerospeys” şirkəti süni intellektlə təchiz edilmiş yeni tipli şaquli uçuş və enişə sahib “Razor” reaktiv uçuş aparatını təqdim edib”.
Onun tətbiq dairəsinə dərmanların çatdırılması da, “Hellfire” raketləri ilə hava hücumları da daxildir.
“Razor” ilk dəfə pilotlu uçan motosiklet kimi ictimaiyyətə təqdim edilib. Lakin “Mayman Aerospeys” onu döyüş PUA-sı olaraq təkmilləşdirib.
Qurğu müxtəlif növ ağır yanacaqla işləyən, tənzimlənən dörd turbinli mühərriklə təchiz ediləcək. Modifikasiyadan asılı olaraq, “Razor” 450 kq-a qədər faydalı yükü 6000 m-ə qədər yüksəklikdə 800 km/saat sürətlə daşıya biləcək. Uçuş və eniş üçün 3x3 m sahə kifayətdir.
Bildirilib ki, şirkət müxtəlif missiyalar üçün bir neçə növ “Razor” istehsal etməyi planlaşdırır. Qeyd edilir ki, yük yerinə döyüş başlığı quraşdırılarsa, o, qanadlı raketə çevrilir.
Kopyalandı
Seçilmişlər
