10 milyon ildən artıqdır ki... | Bəşəriyyətə təhlükə yaradan xəstəlik barədə məlumat

Hyuston Universitetinin alimləri bəşəriyyətə məlum olan ən erkən yoluxucu xəstəliyin cüzam olduğunu müəyyən ediblər.

Alimlərin fikrincə, bu xəstəliyə aid istinadlar “İncil”də də var, burada tez-tez cüzamlı insanların məruz qaldığı təqiblərdən bəhs edilir. Üstəlik, müxtəlif dövrlərdə bir çox xalqların qədim yazılı mənbələrində cüzam xəstəliyinin əlamətləri təsvir edilib.

Alimlərin fikrincə, bu xəstəliyə səbəb olan bakteriyalar 10 milyon ildən artıqdır ki, mövcuddur. Xəstəliyin insanların Afrikanı tərk etməyə və bütün planetə yayılmağa başladığı zaman ortaya çıxdığı güman edilir.

“İblisin xəstəliyi” adlandırılan cüzam dəriyə, yuxarı tənəffüs yollarının selikli qişalarına və səthi sinirlərə təsir edir. Xəstəlik nəticəsində insanların barmaqları deformasiyaya uğrayır, burunları çökür, qaşları tökülür. Təcili müalicə olmadıqda cüzam əlilliyə səbəb olur.