200-yə yaxın istehsalçı bir arada | Moruq festivalının Göyçayda keçirilmə səbəbi

Göygöl rayonunda son illər müxtəlif bağlar salınıb ki, onlardan biri də geniş əraziləri əhatə edən moruq bağlarıdır.

Məqsəd moruq istehsalının təşviqi yolu ilə iqtisadiyyatın inkişafına töhfə verməkdir. Bunun üçün də rayonda "Moruq Festivalı"ı təşkil olunub. Burada 200-ə yaxın fermer və müəssisə öz məhsullarını sərgiləyir.

Aqrar İnnovasiya Mərkəzinin direktoru Anar Cəfərov bildirib ki, Subsidiya Şurasının qərarına əsasən, yeni əmsallar müəyyən olunub və sentyabrın 1-dən mayın 31-dək salınan yeni intensiv bağlara birbaşa olaraq subsidiyalar verilir:

"Bu, 3 000 manatdan 15 000 manata qədər məbləğ arasında dəyişir və yeni salınan moruq, böyürtkən, həmçinin digər qaragilə, mavigilə bitkilərinə şamil olunur. Burada şərtlərdən biri odur ki, mütləq şəkildə kənardan idarə olunan müasir suvarma sistemləri tətbiq olunsun. Bunların hamısı daha çox fermerləri meyvə bağları salmağa təşviq edir".

Festivalı iki gün ərzində 5 000 ziyarətçinin izləyəcəyi gözlənilir. Burada fermer və müəssisələrin stendləri ilə yanaşı, xalq tətbiqi sənəti ustaları da öz məhsullarını sərgiləyir. "Moruq Festivalı" məhsul bayramı xarakteri daşımaqla yanaşı, moruq istehsalçılarına yeni işgüzar əlaqələr qurmağa, məhsullarını geniş auditoriyaya tanıtmağa imkan verir.