40 yaşdan sonra nə üçün həkim müayinəsi tövsiyyə olunur? | Detallar açıqlandı

Bəzi həyat tərzi vərdişləri və obrazı ayaq damarlarında təhlükəli dəyişikliklər yaradır.

Fleboloq Yelena Smirnova hətta geyim və isti vannanın da damarlarda problemlərə gətirib çıxardığını vurğulayıb.

Onun sözlərinə görə, varikoz və trombozdan qorunmaq üçün həyat şəraiti və geyim tərzinə fikir verilməlidir. Çox sıx, dar alt geyimləri, şalvarlar, lasinlər, isti ayaq vannaları, hamam və sauna tromboz yaranmasına səbəb ola bilər.

Yelena Smirnova dar ayaqqabı, corab, şalvar geyinməməyi tövsiyə edib. Varikoz genişlənməsi olanlara isə sauna və günəş vannasından uzaq durmağı, aktiv həyat keçirməyi və çəkiyə diqqət yetirməyi məsləhət görüb.

Araşdırma zamanı müəyyən olunub ki, varikozun ilk əlamətlərindən biri günün sonunda ayaqlarda şişkinlik və yorğunluqdur. Tromboz isə dərin venalarda yarana bilər. Bu zaman həmin hissələrdə şişkinlik, qızartı və qıcolma olur, bəzən yeriyəndə ağrı tutur və insan axsayır.

Yelena Smirnova bildirib ki, masa arxasında çox oturanlarda varikoz və tromboz riski artır. İşdə hər bir saatdan bir ayaqların vəziyyətini dəyişmək və gəzişmək faydalıdır. Trombozun qarşısını almaq üçün 40 yaşdan sonra hər il ayaq venalarını dopler etdirmək tövsiyə edilir.