44 günlük müharibənin başlamasından 3 il ötür: qazilər savaş xatirələrini bölüşdü

2020-ci ilin 27 sentyabrında işğalçı Ermənistanın təxribatı nəticəsində Ordumuzun başlatdığı əks-hücum əməliyyatı Silahlı Qüvvələrimizin göstərdiyi qəhrəmanlıq nəticəsində müharibənin taleyini Azərbaycanın xeyrinə həll etdi.

44 gün davam edən Vətən müharibəsi Ermənistan üzərində qələbə ilə başa çatdı. Qana qan, cana can davasına çıxan qəhrəmanlarımız şəhidlik və qazilik mərtəbəsinə yüksələrək illərdir həsrətində olduğumuz torpaqları əsarətdən xilas etdilər.

Cəbrayıl və Qubadlının işğaldan azad olunması uğrunda gedən döyüşlərdə iştirak edən qazi İsmayıl Hüseynov cəbhəyə yollanmasını belə xatırlayır:

“Polad Həşimov şəhid olandan sonra könüllü şəkildə orduya yazıldım. 27 sentyabrda hər bir Azərbaycan vətəndaşı kimi öz borcumu yerinə yetirməyə getdim”.

“Bəzilərimiz ayağımızı, əlimizi, gözümüzü itirsək də, qarşılığında vətənimizi qazandıq”, – İ.Hüseynov söyləyib.