5 uşaqlı məcburi köçkün ailə niyə acınacaqlı vəziyyətdə yaşayır?

Bərdədə çoxuşaqlı ailə tavanı, döşəməsi olmayan binada yaşayır.

Maddi imkanları aşağı olan bu ailə 25 ildən çoxdur ki, bu tikilidə küçə heyvanları ilə birlikdə yatıb-durur.

Elyana Vəliyeva 4 ildir ki, həyat yoldaşını itirib. Ailənin böyük uşağı 16, kiçiyi isə 4 yaşındadır.

“Qonşular köməklik edirlər. Nə sosial, nə də yetim pulu alıram”, – deyə E.Vəliyeva bildirib.

Ailənin çətin durumu uşaqları təhsildən yayındırıb. Evin böyük oğlu işlədiyindən məktəbə gedə bilmir. Bu səbəbdən məktəbdən də xaric olunub.