Pleyeri seçin:
50 qramlıq qızıl külçə necə yoxa çıxdı? | Aldadılan sakin danışdı | "Yoxdur heç nəyim..." - Baku TV
Xəbərlərimizi Google-da izləyin
Yeniliklərdən dərhal xəbərdar olun
Baku TV-nin qaynar xəttinə müraciət edən şikayətçi Elvin Hüseynov iddia edir ki, elan saytı vasitəsilə satışa çıxardığı 50 qramlıq “PAMP” markalı qızıl dələduzluq yolu ilə əlindən alınıb.
Şikayətçinin sözlərinə görə, alıcı ilə görüş zamanı o, qızılı yoxlamaq adı ilə götürüb və bir daha geri qaytarmayıb:
“Məni maşına dəvət etdi, qızılı alıb yoxlamağa başladı. Daha sonra tanımadığım bir nəfərə zəng vurdu, həmin şəxs də qızılı görmək istədiyini dedi. Mən etiraz etdim. O isə yaxınlıqdakı binanı göstərərək pul götürüb gələcəyini, avtomobilinin də burada qaldığını bildirdi. Açarın maşının üzərində olduğunu gördüm və inandım. Saatlarla gözlədim, amma geri qayıtmadı. Daha sonra polisə müraciət etdim, araşdırma zamanı avtomobilin icarəyə götürüldüyü məlum oldu. Kimliyi müəyyən edildikdən sonra o, məndən məsələni öz aramızda həll etməyimizi xahiş etdi, təslim olmaq istəmədiyini dedi”.
İttiham olunan şəxs – Özal Orduxanlı isə qızılı aldığını və ödəniş etdiyini, məsələnin isə polis tərəfindən araşdırıldığını qeyd edib.
Şikayətçi həmçinin iddia edir ki, Özal Orduxanlı həmin qızılı mağazalardan birinə satıb.
Məsələ ilə bağlı Daxili İşlər Nazirliyindən isə bildirilib ki, vətəndaşın elan saytı vasitəsilə alqı-satqı edən zaman qızıl-zinət əşyasının ələ keçirilməsi ilə bağlı iddiaları üzrə müvafiq polis bölməsinə müraciət daxil olub. Tərəflərin ərizə və izahatları alınıb. Hazırda istintaq araşdırmaları davam etdirilir.
Kopyalandı
Seçilmişlər
