Adını qoyduğu qızlarının üzünü görmədən şəhid oldu - ARZUNUN VAXTI

Baku TV-də yayımlanan “Arzunun vaxtı” verilişinin yeni buraxılışı efirə gedib.

Verilişin budəfəki sayında Azərbaycan Ordusunun keçirdiyi antiterror tədbirlərində şəhid olan Səbuhi Əliyevin həyat yoldaşı Lalə Əliyeva onunla bağlı xatirələrini bölüşüb.

O qeyd edib ki, Səbuhi şəhid olduqdan 7 gün sonra əkiz qızları dünyaya gəlib:

“Həkim müayinəsinə gedəndə necə keçdiyini soruşdu. Dedim, hər şey qaydasındadır. “Birinin adı Nərgiz olsun” yazdı”.

Şəhidin həyat yoldaşının sözlərinə görə, Vətən müharibəsi zamanı da Səbuhinin şəhid xəbəri gəlib:

“Əvvəlcə şəklini paylaşdılar ki, yaralanıb. Sonra dedilər ki, şəhid olub. 15 gün sonra komandiri zəng vurdu ki, Səbuhi sağ-salamatdır”.

L.Əliyeva Səbuhi ilə son söhbətlərindən birindən bəhs edib:

“Gülə-gülə dedi ki, Lalə, bu dəfə ya əlim, ya ayağım olmayacaq. Dedim, təki nəfəsin gəlsin. Səs yazısı göndərdi ki, sənə 1000 manat pul göndərdim. Heç kim bilməsin, birdən mənə nəsə olsa, bu pul bitəndən sonra dadına çatacaqlar”.