ADY yeni tarifləri açıqladı | Gediş haqqı nə qədər olacaq?

“Azərbaycan Dəmir Yolları” (ADY) QSC sərnişindaşıma tariflərinə dəyişiklik edib.

Dəyişikliyə əsasən, Abşeron dairəvi marşrutu üzrə gediş haqları məsafədən asılı olaraq 0,10–0,20 AZN arası artırılıb.

Belə ki, Bakı Dəmiryol vağzalından Biləcəri stansiyasına gediş haqqı 60 qəpik, Xırdalana 80 qəpik, Sumqayıta isə 1 manat 20 qəpik təşkil edəcək. Bakı Pirşağı-Sumqayıt qatarında isə gediş haqqı Koroğlu stansiyasına qədər 50 qəpik, Zabrat stansiyasına 80 qəpik, Sumqayıta isə 1 manat 20 qəpik olacaq.