Ağdamın işğaldan azad olunmasından 4 il ötür

Noyabrın 20-si Ağdam Şəhəri Günüdür.

Bu əlamətdar günün təsis olunması Ağdam şəhərinin Ermənistan Silahlı Qüvvələrinin işğalından azad edilməsi tarixi ilə bağlıdır.

Belə ki, bu gün, yəni noyabrın 20-si şəhərin erməni işğalçılarından təmizlənməsindən 4 il ötür.

Azərbaycan Vətən müharibəsində qazandığı parlaq qələbəsi nəticəsində Ağdam bir güllə atılmadan düşmən tapdağından azad olunub. Azərbaycan Prezidenti İlham Əliyevin, Ermənistanın Baş naziri Nikol Paşinyanın və Rusiya Prezidenti Vladimir Putinin 2020-ci ilin noyabrın 10-da imzaladıqları üçtərəfli bəyanata uyğun olaraq Ağdam rayonu noyabrın 20-də Azərbaycana qaytarılıb. Bununla da 27 il ərzində işğal altında olan Ağdam şəhəri qəsbkarlardan tamamilə azad edilib, həmin gün Azərbaycan Ordusunun bölmələri rayona daxil olub və orada bayrağımızı ucaldıblar.

Prezident İlham Əliyevin bu il iyulun 31-də imzaladığı Sərəncama əsasən, hər il noyabrın 20-də Ağdam Şəhəri Günü təntənəli şəkildə qeyd ediləcək.