Cəmiyyət
Pleyeri seçin:
Aktaudakı qəzada yaralanan şəxslərin sonuncusu ilə bağlı açıqlama
AZAL-a məxsus təyyarənin Aktau yaxınlığında qəzaya uğraması nəticəsində xəsarət alan və ölkəmizə gətirilərək Yeni Klinikaya yerləşdirilən şəxslərdən sonuncu pasiyent də xəstəxanadan buraxılıb.
Bu barədə TƏBİB-dən bildirilib.
Qeyd olunub ki, Yeni Klinikanın Reanimasiya şöbəsinə qəbul olunaraq üzərində cərrahi əməliyyat icra olunan şəxsin vəziyyəti qənaətbəxş hesab edilib.
Bununla belə, pasiyentin tibbi reabilitasiyaya ehtiyacı olduğu nəzərə alınaraq müalicəsinin TƏBİB-in tabeliyində fəaliyyət göstərən Tibbi Reabilitasiya Mərkəzində davam etdirilməsinə qərar verilib.
Məlumat üçün bildirək ki, bundan əvvəl Yeni Klinikadan Tibbi Reabilitasiya Mərkəzinə təxliyə edilən, orada müalicə alan digər iki nəfərin vəziyyəti qənaətbəxş hesab edildiyindən ambulator müalicə üçün evə buraxılıb.
Bir müddət əvvəl öz istəyi ilə Balakən Rayon Mərkəzi Xəstəxanasına köçürülən şəxs də ambulator müalicə üçün evə buraxılıb.
Kopyalandı
Seçilmişlər
