Alimlər mikroblara möhtac qaldı | Qlobal problemlərin çarəsi onlarda imiş?

Mikroblar iqlim dəyişikliyi ilə mübarizə apara bilər.

Bir qrup alim davamlı inkişafın təşviqi və ekoloji problemlərin həlli məqsədilə mikrob texnologiyalarından fəal istifadə etməyə çağırıb.

Onlar oksigen istehsalına, karbon qazının udulmasına, tullantıların emalına və çirklənmiş ətraf mühitin bərpasına töhfə verir.

Genomika və biomühəndislik sahəsindəki irəliləyişlər alimlərə kritik qlobal problemlərin həllində mikroblardan istifadə etməyin yeni yollarını kəşf etməyə imkan verib.

Bu yanaşma bütün dünyada tədqiqatçılar və sahibkarların artan marağına səbəb olub. Hazırda bəzi şirkətlər sənaye tullantılarından və bitki əsaslı substratlardan aviasiya yanacağı, bioplastiklər və polimerlər istehsal etmək üçün mikroblardan uğurla istifadə edir.

Ekspertlərin sözlərinə görə, kənd təsərrüfatı sahəsində mikrob biogübrələri kimyəvi gübrələrə alternativ kimi xidmət edə bilər. Belə ki, onlar karbon emissiyalarını azaldır və suyun çirklənməsinin qarşısını alır.

Mikrobdan istifadə karbon izini azaltmaqla yanaşı, həm də yeni iqtisadi sektorların böyüməsinə təkan verə bilər.