Cəmiyyət
Pleyeri seçin:
Antiterror tədbirlərində şəhid olanların yaxınları duyğularını bölüşdü
Ötən il sentyabrın 19-20-də Azərbaycanın Qarabağ bölgəsində keçirilən antiterror əməliyyatlarında şəhid olan hərbi qulluqçuların məzarları ziyarət olunur.
Şəhidlərin yaxınları, ictimaiyyət nümayəndələri, eləcə də hökumət rəsmiləri İkinci Şəhidlər xiyabanına gələrək burada dəfn olunan şəhidlərin məzarlarına qərənfillər düzür, əklil qoyur, onların xatirələrini ehtiramla yad edirlər.
“Oğlum Xocavənddə həyata keçirilən antiterror tədbirlərində şəhid olub. Ondan əvvəl üç müharibə görmüş zabit idi. 44 günlük müharibədən qələbə ilə qayıtmışdı, ancaq antiterror tədbirlərində qələbə qazansalar da, özü sağ gəlib çıxa bilmədi. Oğlumun ömrü yarım qaldı, amma şükürlər olsun ki, torpaqlarımızı qaytardılar. Oğlumla qürur duyuram, o xalqın da, mənim də gözümdə qəhrəmandır”, – şəhid anası deyib.
Kopyalandı
Seçilmişlər
