Artıq çəkidən əziyyət çəkənlərin diqqətinə | Bu meyvənin yeyilməsi tövsiyə olunur

Qara gəndalaş şirəsinin gündəlik qəbulu maddələr mübadiləsinin yaxşılaşmasına, qanda şəkərin səviyyəsinin azalmasına və orqanizmin piy yandırma qabiliyyətinin artmasına kömək edir.

Bu barədə Vaşinqton Dövlət Universitetinin alimləri tərəfindən aparılan tədqiqatlardan sonra məlum olub.

Təcrübədə artıq çəkisi olan 18 yetkin iştirak edib. Bir həftə ərzində iştirakçılar 340 qram gəndalaş meyvəsinin şirəsini qəbul ediblər.

Tədqiqatın nəticələri göstərib ki, şirə bağırsaq mikrobiomunun tərkibini əhəmiyyətli dərəcədə yaxşılaşdırır, faydalı bakteriyaların miqdarını artırır və zərərli bakteriyaların səviyyəsini azaldır. Bundan əlavə, gəndalaş meyvəsinin şirəsi qanda qlükoza səviyyəsini orta hesabla 24 %, insulin səviyyəsini isə 9 % azaldıb.

Həmçinin piy oksidləşməsinin artması qeydə alınıb ki, bu da qida qəbulundan və fiziki aktivlikdən sonra orqanizmin yağ turşularını parçalamaq qabiliyyətinin artdığını göstərir.

Tədqiqatçılar müsbət təsirləri gəndalaş meyvəsində iltihab əleyhinə, antidiabetik və antimikrob xüsusiyyətlərinə malik bitki birləşmələri olan antosianinlərin yüksək tərkibi ilə əlaqələndirirlər.