Audiovizual Şura yanvar ayının reytinq cədvəlini açıqladı

Audiovizual Şura tərəfindən yerüstü, peyk və platforma yayımçısı lisenziyasına malik olan televiziyaların “YouTube” kanallarının 2024-cü ilin yanvar ayı üzrə reytinqi açıqlanıb.

Cədvəl bu kanalların “Youtube”dakı xəbər və müxtəlif kontentlər yayan kanallarına görə qruplaşdırılıb.

Reytinq cədvəlinə əsasən, Baku TV “Youtube” kanalı 35.407.229 izlənmə ilə ilk yerdə qərarlaşıb.

Sıralamaya uyğun olaraq 2-ci yerdə Baku TV Rus dilində, 3- cü yerdə isə İTV “YouTube" kanalları qərarlaşıb.

Audiovizual Şuranın yerüstü, peyk və platforma yayımçısı lisenziyası verdiyi televiziyaların müxtəlif kontentlər yayan "Youtube" kanallarının 2024-cü ilin yanvar ayı üzrə reytinq cədvəlində isə ilk üçlüyü ATV SHOW, ARB və Xəzər Media tutub.