Avqustun 31-i Bakı və bölgələrdə hava necə olacaq? | Hava haqqında məlumat - Baku TV

Avqustun 30-u axşamdan sentyabrın 1-i səhərədək Bakıda və Abşeron yarımadasında hava şəraitinin qeyri-sabit keçəcəyi, yağış yağacağı, yağışın arabir leysan xarakterli olacağı gözlənilir. Yarımadanın bəzi yerlərində şimşək çaxacağı, 31-i axşam isə yağışın intensiv və qısamüddətli güclü olacağı ehtimalı var. Arabir güclənən şimal-qərb küləyi əsəcək.

Bu barədə Milli Hidrometeorologiya Xidməti məlumat yayıb.

Azərbaycanın rayonlarında da sentyabrın 1-dək qeyri-sabit hava şəraitinin davam edəcəyi, bəzi yerlərdə fasilələrlə yağış yağacağı gözlənilir. Ayrı-ayrı yerlərdə qısamüddətli leysan xarakterli intensiv yağış yağacağı, şimşək çaxacağı və dolu düşəcəyi ehtimalı var.

Gözlənilən yağıntılı hava şəraiti ilə əlaqədar çaylarda suyun səviyyəsinin artacağı, bəzi dağ çaylarından isə qısamüddətli sel keçəcəyi istisna olunmur. Şərq küləyi bəzi yerlərdə arabir güclənəcək.