Azərbaycana peyvəndlər gətirildi | Səhiyyə Nazirliyindən əhaliyə xəbərdarlıq

“Qrip və digər kəskin respirator virus infeksiyalarına yoluxma hallarının bu aylarda artacağı gözlənilir”.

Bunu Səhiyyə Nazirliyinin mütəxəssis-eksperti Təyyar Eyvazov deyib.

O bildirib ki, sözügedən infeksiyalar içərisində ən təhlükəlisi qrip hesab olunur:

“Bunları nəzərə alaraq, hər il olduğu kimi, bu il də Səhiyyə Nazirliyi tərəfindən kifayət qədər effektiv və təhlükəsiz olan peyvəndlər Azərbaycana gətirilib. İlk növbədə xəstələrlə işləyən tibb işçiləri, əhali arasında isə risk qrupuna aid edilənlər – hamilə qadınlar, 6 aydan yuxarı yaş qrupuna aid uşaqlar və ağır xroniki xəstəliyi olan şəxslər peyvənd olunmalıdırlar”.