Azərbaycanda kirayə evlərin qiyməti açıqlandı | Ən yüksək qiymət hansı şəhərimizdədir?

2024-cü ilin avqust ayında Azərbaycanda 3, 4 və 5 ulduzlu mənzillərdə günlük kirayə qiyməti məlum olub.

Booking.com platforması üzərindən onlayn bronlaşdırma sistemi ilə sutkalıq kirayə qiymətləri müvafiq olaraq 108,1 manat, 216,7 manat və 442,2 manat təşkil edib.

Bu barədə Dövlət Turizm Agentliyinin hesabatında bildirilib. Avqust ayında 3 ulduzlu mənzillərdə ən yüksək qiymət Bakı şəhərində qeydə alınıb. Belə ki, paytaxtda 3 ulduzlu mənzillərdə orta qiymət 121,5 manat, 4 və 5 ulduzlu mənzillərdə isə müvafiq olaraq 338 manat və 533,2 manat olub.

Avqustda 4 ulduzlu mənzillərdə ən yüksək qiymət 320 manat olmaqla Lerik şəhərində qeydə alınıb. Naftalanda isə 5 ulduzlu mənzillərdə ən yüksək qiymət 1 215 manat olmaqla qeydə alınıb.

Hesabatda ötən ilin avqust ayı üçün məlumatlar göstərilməyib.