Azərbaycandan Türkiyəyə 41 nəfərlik tibbi heyət yola düşdü

“Prezident İlham Əliyevin tapşırığına uyğun olaraq, Türkiyə Respublikasında baş vermiş güclü zəlzələnin fəsadlarının aradan qaldırılması məqsədilə hazırda Fövqəladə Hallar Nazirliyinin 41 əməkdaşı da yardımlar üçün Türkiyə yollanır”.

Bunu jurnalistlərə açıqlamasında FHN-in tibb xidmətinin həkimi Qurban Eyvazov bildirib.

Onun sözlərinə görə, FHN-in hər cür tibbi avadanlıq və ləvazimatlarla təchiz olunmuş mobil səhra hospitalı göndərilir: “41 nəfərlik heyətdən 34-ü tibbi, 7-si isə qeyri-tibbi heyətdir”.