Cəmiyyət
Pleyeri seçin:
Azərbaycanlı aktyordan süni intellekt narazılığı
“Süni intellekt dublyaj aktyorlarını işsiz qoyacaq”.
Bu sözləri Əməkdar artist, Bakı bələdiyyə teatrının aktyoru Elxan Rza deyib. O, fikirlərini belə izah edib:
“Son zamanlar süni intellekt sahəsində o qədər irəliləyiş var ki, həqiqətən insanı təəccübləndirir. Bunlardan biri də səsləndirmə, dublyaj və tərcümə ilə əlaqəlidir. Təsəvvürünüzə gətirin ki, istənilən hər hansı bir filmi dərhal filmdə iştirak edən aktyorun öz səsində dünya dillərində, həm də hiss və emosiyaları orijinalında olduğu kimi izləmək mümkün olacaq.
Belə olduğu halda artıq filmləri dublyaj etməyə ehtiyac qalmayacaq. Bu, bir tərəfdən yaxşıdır, digər tərəfdən isə dublyajla məşğul olan aktyorların, çox güman ki, yaxın gələcəkdə işsiz qalmasına zəmin yaradacaq”, – deyə o söyləyib.
Kopyalandı
Seçilmişlər
