Azərbaycanlılar Brüsseldə "Ədalət yürüşü" keçirdi
Belçikanın paytaxtı Brüsseldə Avropa Parlamentinin binası qarşısında Avropada yaşayan Güney Azərbaycan türklərinin iştirakı ilə “Azadlıq və ədalət yürüşü” adlı mitinq keçirilib. Aksiyanın əsas şüarı “Azadlıq, ədalət və milli hökumət” olub.
Mitinqin əsas məqsədi İran dövlətinin repressiv, anti-Azərbaycan, antitürk siyasətini hər mənada təzyiq altına almasına etiraz etməkdir. Eləcə də İranın Şimali Azərbaycana qarşı təhdid dolu, düşməncə siyasətinə etiraz edilib.
Aksiyanın təşkilatçısı Cənubi Azərbaycan Milli Müqavimət Təşkilatından bildirilib ki, İran açıq şəkildə Azərbaycanı müharibə ilə hədələyir, Ermənistanı öz qırmızı xətti elan edib. Azərbaycan-Türkiyə birliyinin qarşısında strateji İran-Ermənistan birliyi yaradıb. Bunların hamısı etirazlara səbəb olub.