Bağça müəllimləri də imtahanlarla işə qəbul ediləcək

“Bağça müəllimlərinin sertifikatlaşdırılması üzərində işləyirik. Bu mexanizm hazır olduqdan sonra tətbiqi həyata keçiriləcək”.

Bu barədə jurnalistlər üçün keçirilən brifinqdə elm və təhsil naziri Emin Əmrullayev məlumat verib.

Nazir qeyd edib ki, 2026-cı ilə qədər 17 min pedaqoji heyətin təlimlərə cəlb olunması və sertifikatlaşdırılması nəzərdə tutulub: “Məktəbəqədər təhsil müəssisələrində vakant olan müdir vəzifələrinə işə qəbul bu il ilk dəfə müsabiqə yolu ilə aparılır. Son 1 il ərzində tərbiyəçi vəzifəsinə müsabiqə yolu ilə 241 nəfər işə götürülüb, 50 nəfər bağça müdiri isə işdən azad edilib”.

Əlavə olaraq bildirilib ki, icma əsaslı qrupların sayının artırılması və yeni alternativ modellərin tətbiqi planlaşdırılır.