Bahar Muradova jurnalistlərdən nə xahiş etdi?

“Bir tək maarifləndirmə ilə məişət zorakılıqlarının qarşısının alınması və bu kimi məsələlərin öhdəsindən gəlmək olmur. Düşünürəm ki, qanunların bəzi məqamları sərtləşdirilməli və konkret çərçivələr göstərilməlidir”.

Bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova deyib.

Onun sözlərinə görə, qanunların sərtləşdirilməsi ilə bağlı aidiyyəti qurumlara Komitənin də təşəbbüs və təklifləri təqdim olunub:

“Bu təkliflərə əlaqədar qurumların, həm də cəmiyyətin geniş dəstəyi lazımdır. Heç bir maarifləndirmə olmadan da normal insan onunla bir yerdə ömür sürən, həyatını bölüşən, uşaqlarının anası və ya atası olduğunu bilən insanlar məişət zorakılıqlarına yol verməzlər.

Jurnalistlərdən xahiş edirəm ki, diskussiya açmaqdansa, qətlin təfərrüatlarını, fotosunu çəkməkdənsə, bu problemi necə həll etmək istiqamətindəki proseslərə qoşulsunlar. Medianın gücü çox böyükdür və o gücü hansısa şiddəti, zorakılığı təbliğ etməyə yox, onun qarşısını almağa yönəlik prosesə qoşulmaq vacibdir. Ən ciddi yol da qanundur və qanunun özü ən böyük maarifləndirmədir”.