Bakıda sıxlığın qarşısı alınır | AAYDA-dan yeniliklərlə bağlı məlumat
Vətəndaşların rahat gediş-gəlişinin təmin olunması istiqamətində ölkə başçısının verdiyi tapşırığa uyğun olaraq, Azərbaycan Avtomobil Yolları Dövlət Agentliyi tərəfindən Bakı şəhərində kompleks tədbirlərin icrası davam etdirilir.
Azərbaycan Avtomobil Yolları Dövlət Agentliyindən bildirilib ki, bu çərçivədə Yasamal rayonu, Nazim Hikmət küçəsindən Bakı Dairəvi avtomobil yoluna giriş-çıxış hissələrdə genişləndirmə işləri aparılıb.
Genişləndirmə işlərinin aparılmasında məqsəd sözügedən ərazidə nəqliyyat sıxlığının qarşısını almaq, avtonəqliyyat vasitələrinin hərəkət istiqamətlərinə uyğun dayanmadan dönüşünü təmin etməkdir.
Layihəyə əsasən, hər iki istiqamət üzrə yol 2 hərəkət zolağı enində genişləndirilib, yeni yol yatağı və yol əsası inşa edilib. Ardınca asfaltlanma işləri icra olunub, vətəndaşların yol kənarı ilə rahat və təhlükəsiz hərəkəti üçün genişlənmiş yolun kənarında piyada səkiləri inşa edilib.
Bütün işlər “İnşaat Norma və Qaydaları”na uyğun şəkildə agentlik tərəfindən icra olunub.
#Avtomobil Yolları Dövlət Agentliyi teqi istifadə olunub
- Asfalt üzünə həsrət qalan Zərdab sakinləri şikayətləndi - Baku TV
- “Bu yola baxanlar kimdirsə...” | Sürücülər təhlükəli vəziyyətdən danışdı - Baku TV
- "Baxımsızlıqdan su yuyub-apardı" | Sakinlər niyə çarəsiz vəziyyətdə qalıb? - Baku TV
- İşıqsız qalan magistral yol sürücülər üçün təhlükəyə çevrilib - Baku TV
- Dövlət qurumları qışa hazırdır? - Leysan, “iflic” olan yollar, qazsız qalan evlər... - Baku TV
