Bakıda sürücülərin qaydanı pozmağa məcbur qaldığı küçə | NECƏ OLMALIDIR?

"Necə olmalıdır?" rubrikasının yeni buraxılışı yayımlanıb.

Budəfəki buraxılışda paytaxtın Fətəli Xan Xoyski küçəsində sürücüləri qayda pozmağa vadar edən avtobus zolağından bəhs edilib.

Belə ki, sözügedən ərazidə avtobus zolağı çəkilənə qədər yerləşdirilən məcburedici hərəkət nişanı axını normal şəkildə tənzimləyə bilirdi. İndi isə həmin nişanla əlaqədar yerdə çəkilən nişanlanma uyğun deyil. Çünki sağa – Atatürk prospektinə dönmək üçün verilən icazə yalnız avtobus zolağından mümkündür.

Ona görə də indiki şəraitdə sürücülər sağa dönmək üçün hər iki halda qayda pozurlar: birini öz zolaqlarından dönəndə, digərini isə avtobus zolağına daxil olmaqla. Bu isə İnzibati Xətalar Məcəlləsinin 327.1-ci maddəsi ilə – yol nişanlarının və ya yolun hərəkət hissəsinin işarələrinin tələbinə riayət edilməməsinə görə 40 manatlıq cərimə deməkdir.