“Baku TV” çəkdi, dövlət qurumları hərəkətə keçdi | "AF Hotel"dəki heyvanlar barədə tədbir görüldü
Baku TV Binəqədi rayonu ərazisində, sahil zonasında yerləşən "AF Hotel"də ev heyvanlarının saxlanması ilə bağlı narahatlıq doğuran görüntüləri çəkib işıqlandırmışdı.
Süjet efirə getdikdən dərhal sonra sözügedən ərazidə IDEA İctimai Birliyinin təşəbbüsü ilə Daxili İşlər Nazirliyi, Ekologiya və Təbii Sərvətlər Nazirliyi və Qida Təhlükəsizliyi Agentliyinin nümayəndələrinin iştirakı ilə təcili araşdırma tədbirləri həyata keçirilib.
Aparılan birgə yoxlama nəticəsində məlum olub ki, obyektin ərazisində qonaqların əyləncəsi məqsədilə qəbuledilməz şəraitdə yeddi pişik və bir it saxlanılıb.
Bundan əlavə, həmin məkanda heç bir rəsmi icazə olmadan fəaliyyət göstərən qanunsuz zoopark aşkar edilib. Həmin zooparkda "Qırmızı kitab"a düşən, invaziv və digər növlərdən ibarət çoxsaylı heyvanların saxlanıldığı müəyyən olunub.
Heyvanların sağlamlığı və təhlükəsizliyi məqsədilə IDEA Heyvanlara Qayğı Mərkəzi və Bakı Zooloji Parkının baytar mütəxəssisləri tərəfindən bütün heyvanlar ərazidən götürülüb, klinik şəraitdə müayinədən keçirilib.
Heyvanların reabilitasiyası tamamlandıqdan sonra yeni sahiblərinin tapılması üçün sahiblənmə mərkəzinə yerləşdiriləcək, vəhşi heyvan növləri isə müvafiq qaydada təbiətə buraxılacaq.
#Binəqədi rayonu teqi istifadə olunub
- “Qanın içində çabaladı, baxmadılar” - Ailənin fəryadı: Gəncin ölümünə ambulans səbəb oldu? - Baku TV
- Binəqədidə çayxanada güclü partlayış | 3 nəfər xəsarət aldı
- Ölən 13 yaşlı qızın telefonunda gördükləri ailəni şoka saldı | "Gecə hamı yatıb, sonra..." - Baku TV
- Qəzalı bina sakinlərinin şikayətinə niyə baxılmır? | Müvafiq qurumdan açıqlama
- Şəhid məzarlarında ağlasığmaz əməl: Niyə bu hala düşdük? | Hiddət doğuran hadisələr - XÜLASƏ
