Cəmiyyət
Pleyeri seçin:
Baş Prokurorluqdan Azər Qaraşovun ölümü ilə bağlı çağırış
Baş Prokurorluq mediaya çağırış edib.
Qurumdan bildirilib ki, Kürdəmir rayon sakini Azər Qaraşovun iyulun 26-da odlu silahdan açılan atəş nəticəsində ölməsi faktı ilə bağlı Baş Prokurorluğun İstintaq idarəsində cinayət işi istintaq olunur.
“Media nümayəndələri və sosial şəbəkə istifadəçilərindən istintaqı aparılan cinayət işi barədə rəsmi quruma istinad edilmədən və dəqiqləşdirilmə aparmadan məlumatların yayılmaması xahiş olunur”, – deyə məlumatda vurğulanıb.
Qeyd edək ki, iyulun 26-da odlu silahdan açılan atəş nəticəsində ölən Azər Qaraşov Lənkəran Rayon İcra Hakimiyyətinin başçısı Taleh Qaraşovun kiçik qardaşıdır. Lənkəran Rayon İcra Hakimiyyəti hadisənin silahla ehtiyatsız davranması nəticəsində baş verdiyini açıqlayıb.
Kopyalandı
Seçilmişlər