Başınızda kəskin ağrılar varsa, mütləq bunu etməlisiniz

Son günlər kəskin baş ağrısı ilə bağlı şikayətlərin sayı artır.

Başağrısını kimi havaların isti keçməsi, kimi maqnit qasırğası, kimi də koronavirusun yeni mutasiyası ilə əlaqələndirir. Eyni zamanda bu ağrıların bir neçə saat yox, həttda bir neçə gün çəkdiyindən şikayətlənirlər.

Həkimlər son bir həftə ərzində kəskin baş ağrıları ilə bağlı müraciətlərin sayının artdığını bildirirlər. Baş ağrılarını hər zaman miqren adlandırmaq olmaz. Ağrılar mütəmadi hal alırsa, mütləq həkimə müraciət edərək müayinədən keçmək lazımdır.

Hazırkı müraciətlərin virus xarakterli olmadığına diqqət çəkən mütəxəssislər qeyd ediblər ki, baş ağrıları istənilən yolxucu xəstəliklərdən sonra da yaranma xüsusiyyətinə malikdir.

Başağrıları üç gündən artıq davam edərsə, mütləq həkimə müraciət edilməlidir. Bundan başqa, müvəqqəti ağrıkəsicilər qəbul etmək də xəstəliyi ağırlaşdıra bilər.