Başqasının mesajlarını oxumaq istəyənləri hansı təhlükə gözləyir? - Baku TV

Sosial şəbəkələrdə sevgilisinə etibar etməyənləri hədəf seçən və 100-150 manat ödəməklə başqasının mesajlarını oxumağın mümkün olduğunu deyən haker xidmətləri getdikcə yayılır.

Bəs bu prosesi həyata keçirmək texniki olaraq nə dərəcədə mümkündür?

İnformasiya Texnologiyaları mütəxəssisi Vüsal Məmmədzadə bildirir ki, müasir mesencer proqramlarında kənar şəxsin, sadəcə, telefon nömrəsini daxil edib həmin yazışmaları oxuması normal şəraitdə qeyri-mümkündür:

“Yazışmalara giriş üçün adətən hesabın və ya cihazın ələ keçirilməsi, istifadəçinin aldadılaraq giriş kodunun alınması, yaxud telefona zərərli tətbiqin quraşdırılması kimi əlavə addımlar tələb olunur. Xidməti əldə etmək üçün həmin şəxslərə müraciət edirsiniz və qarşı tərəf sizdən telefon nömrəsi, təsdiqləmə kodu, bəzən hətta bank kartı məlumatları tələb edir, yaxud telefona hansısa proqramı quraşdırmağı tapşırır. Siz onların tələblərini yerinə yetirdikdə artıq şəxsi məlumatlarınızı riskə atmış olursunuz”.