Batabat yaylağında ikinci “Qərbi Azərbaycana qayıdış” festival-konqresi keçiriləcək

İyunun 21-22-də Şahbuz rayonunun Batabat yaylağında ikinci “Qərbi Azərbaycana qayıdış” festival-konqresi keçiriləcək.

Bu sözləri Naxçıvan Dövlət Universitetinin rektoru Elbrus İsayev media nümayəndələri üçün keçirilən mətbuat konfransında bildirib.

Qeyd olunub ki, festival-konqresdə Qərbi Azərbaycana məxsus folklor nümunələri, kulinariya, musiqi və yallı nömrələri, sərgilər, ədəbi-bədii kompozisiyalar təqdim olunacaq.

Həmçinin bildirilib ki, Qərbi Azərbaycandan olan iki gəncin toyunun keçirilməsi nəzərdə tutulur.

“Qərbi Azərbaycanın 11 mahalını canlandıran çadırlar qurulacaq”, – rektor əlavə edib.