Pleyeri seçin:
Belçika parlamenti azərbaycanlı alimə görə İran səfirini çağırdı
Belçika parlamentinin Xarici siyasət komitəsi İran səfirini həbsdə olan azərbaycanəsilli İran-İsveç vətəndaşı olan tədqiqatçı Əhmədrza Cəlalinin vəziyyəti ilə bağlı izahat vermək üçün parlamentə çağırıb.
Bu haqda Ə.Cəlalinin həyat yoldaşı Vida Mehranniya məlumat yayıb.
“Parlament və komitə rəhbərləri bildiriblər ki, üç ay səssizlikdən, alimin harada saxlanılması barədə məlumatsızlıqdan sonra Əhmədrza Cəlali ilə bağlı narahatlıqlar həmişəkindən daha çox artıb”, – o bildirib.
Xatırladaq ki, İsrail Hərbi Hava Qüvvələri iyunun 23-də Tehranın Evin həbsxanasına zərbə endirdikdən sonra Əhmədrza Cəlali və çox sayda başqa məhbus digər həbsxanalara köçürülüb. O gündən bu yana azərbaycanlı alimin harada saxlanılması və sağlıq durumu ilə bağlı məlumat əldə etmək mümkün olmayıb.
Kopyalandı
Seçilmişlər
