Beşgünlük düşərgə başa çatdı | Gənclər gələcəyin texnologiyalarını yaxından öyrəniblər - Baku TV

Şamaxıda "Yay Fest 2026"nın "Müasir Şəhərlər və Texnologiya" düşərgəsi həyata keçirilib.

Düşərgə çərçivəsində müvafiq dövlət qurumlarının və özəl sektorun nümayəndələrinin iştirakı ilə gənclər üçün "Şəhərsalmada yeni baxış: Təcrübə, innovasiya və inklüzivlik", "Qayıdışdan gələcəyə: Təhlükəsizlik və davamlı inkişaf", "AI for Digital City" və "Ağıllı robotlar, ağıllı gələcək" mövzularında görüşlər keçirilib.

Eyni zamanda IDEA İctimai Birliyinin təqdimatında iştirakçılar üçün "Urbanizasiya dövründə ekoloji çağırışlar və innovativ həllər" mövzusunda interaktiv sessiya təşkil olunub.

Beləliklə, beş gün davam edən "Müasir Şəhərlər və Texnologiya" düşərgəsi gənclərin müasir çağırışlara uyğun olaraq bilik və bacarıqlarının inkişaf etdirilməsi, gələcəyin şəhərlərinə dair innovativ baxışlarının formalaşdırılması və gənclərin bir-biri ilə şəbəkələşməsi baxımından uğurla başa çatıb.