“Bəziləri deyir ki, yandırmıram” | Avtobuslarda niyə kondisionerlərlə bağlı problem olur? - Baku TV

May ayı olmasına baxmayaraq, artıq bəzi günlərdə havanın temperaturunun xeyli yüksəldiyinin şahidi olduq.

Vətəndaşlar belə havalarda xüsusilə pik saatlarda ictimai nəqliyyatda istidən əziyyət çəkdiklərini bildirirlər. Sürücülərdən kondisioneri yandırmağı xahiş etsələr də, onlara “yalnız iyunun birindən sonra icazə var” cavabı verilir.

Bəs əslində, qayda necədir?

Məsələ ilə bağlı Azərbaycan Yerüstü Nəqliyyat Agentliyindən bildirilib ki, hər il olduğu kimi, bu il də yay mövsümü başlamazdan əvvəl müntəzəm sərnişindaşıma fəaliyyəti göstərən daşıyıcılara rəsmi qaydada xəbərdarlıq məktubu göndərilib:

“Daşıyıcılara zəruri hazırlıq tədbirlərinin görülməsi barədə tapşırıq verilib. Bu il də havanın temperaturundan asılı olaraq avtobuslarda sərnişinlərin rahatlığı üçün soyutma və havalandırma sistemlərinin texniki cəhətdən işlək vəziyyətdə saxlanılması, hava şəraitinə uyğun tənzimlənməsi tapşırılıb”.