Pleyeri seçin:
Bir gecədə o qədər qazini xilas edib ki... | Kapitan Ülvinin Şuşaya qədər uzanan döyüş yolu
Xəbərlərimizi Google-da izləyin
Yeniliklərdən dərhal xəbərdar olun
Baku TV Vətən müharibəsi şəhidi Ülvi Hüseynov haqqında reportaj hazırlayıb.
Azərbaycan Ordusunun kapitanı olan Ülvi Hüseynov noyabrın 7-də Şuşanın azad edilməsi zamanı snayper gülləsi nəticəsində şəhid olub.
Şəhidin atası Möhsün Hüseynov onun qəhrəmanlığından danışaraq deyib ki, Şuşa uğrunda döyüşmək oğlunun arzusu olub.
“Ülvi bir gecədə neçə-neçə yaralı döyüş yoldaşını çiynində daşıyaraq xilas edib. Müharibə vaxtı bir gün görüblər ki, Ülvi yoxdur. Zəng edib bu barədə xəbər veriblər. Cavab verilib ki, o əsir düşməz, mütləq qayıdacaq. Bir neçə saat sonra Ülvi içi yemək və sursatla dolu maşınla geri qayıdıb”, – deyə M.Hüseynov söyləyib.
Şəhidin anası Ülkər Hüseynova isə oğlunun öz hərbi geyimi, bayrağı ilə fəxr etdiyini vurğulayıb:
“Vətənini o qədər sevirdi ki, şəhid olanda onun ürəyinin başından Azərbaycan bayrağı tapıldı. Birinci Qarabağ müharibəsində qardaşım da şəhid olub. Oğlum torpaqlarımızın azad olunması uğrunda döyüşərək onun da qisasını aldı”.
Kopyalandı
Seçilmişlər
