Bir qrup tələbəni sevindirəcək kredit xəbəri

Bu şəxslərin kreditlərinin 50 faizi bağışlanacaq.

Söhbət Təhsil Tələbə Kredit Fonduna müraciət edərək tələbə kreditlərindən faydalanan texniki peşə təhsili müəssisələrinin tələbələrindən gedir.

Peşə təhsili alanlara kreditlərin verilməsi sosial və standart olmaqla iki qaydada aparılır. Sosial həssas qrupa daxil olan tələbələrələ yanaşı, kəsiri olmayan və orta göstəriciləri 71 faizdən yuxarı olan ödənişli təhsil alanlar da yararlana bilirdilər. Elə bu şərtlər peşə təhsili müəsissələrinin tələbələrinə də şamil olunur.

Texniki peşə təhsili səviyyəsində isə 5 ballıq sistem olduğuna görə aralıq qiymətinin qiymətləndirmə balı 4 və 5 olan tələbə götürdüyü kreditə görə faiz hesablanmayacaq. Əgər tələbə bütün təhsil dövründə normativ təhsil müddətində qiyməti 5 olacaqsa, o zaman götürdüyü kreditin 50 faizi ona bağışlanılacaq.

Standart təhsil tələbə kreditində isə aralıq qiymətləndirmə balı 5 olacaqsa, həmin tələbənin kreditinə faiz hesablanmayacaq. Normativ təhsil müddətində 5 ili yəni əlaçı kimi bitirəcəksə, o zaman həmin tələbənin götürdüyü kreditin 25 faizi ona bağışlanacaq.

Hazırda texniki peşə təhsili üzrə 6 minə yaxın tələbə ödənişli əsaslarla təhsil alır. Onların da avqustun 5-dən fonda müraciət etmək imkanı var. Kreditdən yararlanan tələbələr 2 illik güzəşt dövrü bitdikdən sonra 10 il ərzində bərabər hissələrlə qaytara bilərlər. Növbəti illərdə kreditin əhatə dairəsinin genişləndirilməsi nəzərdə tutulur.