Ödənişi edə bilməyən tələbələr üçün... | Deputat vacib məsələni vurğuladı

“Ödənişi ödəyə bilməyən tələbəyə kredit verilməlidir”.

Bu sözləri Milli Məclisin Elm və təhsil komitəsinin sədri Anar İsgəndərov parlamentdəki büdcə müzakirələrində çıxışında deyib.

Millət vəkili bildirib ki, 2025-ci ildə əhalinin aztəminatlı təbəqəsinin ali təhsilə əlçatanlığını daha da artırmaq və ali təhsilin əhatə dairəsini genişləndirmək məqsədilə təhsil tələbə kreditinin verilməsi üçün növbəti ilin dövlət büdcəsində 8 milyon manat nəzərdə tutulub.

“Pedaqoji profilli ali və orta ixtisas təhsil müəssisələrini bitirmiş 9,9 min nəfərdən çox gənc mütəxəssisin kənd və rayonlarda işə cəlb olunması üçün yol xərci, əmlakın daşınması üçün nəqliyyat xərci və ilkin yaşayış şəraitinin yaradılması məqsədilə birdəfəlik ödənilmək üçün 12,6 milyon manat nəzərdə tutulub. Pedaqoji təhsilli gənclərin kəndlərə getməsi üçün təkcə təbliğat kifayət etmir, diqqəti cəlb edən güzəştlərə ehtiyac var”, – deyə deputat əlavə edib.